leka main jaku lalau..(pesan ngagai bini)

1).selamat tinggal sulu,
    aku pegi enda lama,
    enggau urang bekuli dulu,
    ngiga belanja sesin dua..,
    laban ati selalu rangsing..,
    ngicak ke jemah ari enda ngining.
taja pen ribut biau balai..,
sigi bepasung,seagi bepegai..,
endang adat anak lelaki..,
luba iya tusah,luba gak iya nyamai..

2).tinggal enda meh nuan kumang..,
    aku bejalai ke menua bukai..,
    enti lelenggau nuan ngangau..,
    ba telepun alai tua betelai..,
    ukai nya lama aku belelang.,
    sebulang dua di tasik landau..,
    diau manah nuan di menua..,
    anang selalu nunga temuai datai..,
    anak tua asuh sekula..,
    ngambi ke sida tau pandai..,
    nyadi menteri nyadi YB..,
nuan di rumah anang nyebut enda betah..,
enggai ke aku nyau minta pulai..

3) .kita di menua anang kelalu begaya..,
     kasih ke laki merinsa bekuli.,
     duit di kirum tiap bulan..,
     ni ko kita meh nyimpan ba saham..,
 kami ke laki enda nganu..,
anang aja mayuh macam..,
di tinggal ke ambai nurun bejalai..,
ngibun ruang bilik meh enggau meruan..
   ni enda puang ninggal ke nuan sayang..,
   meruan lelenggau di tasik landau..,
   enda temu tebing enda temu tisi..,
   enda temu pun enda temu ujung..

**leka jaku tu di baca pabu,di temu ya dalam,di peda ya pandak,di perati ya jauh...##
**baka aik meh aku tu..,
    semampai anyut kili ngerumban pasang lemai..,
    baka ujan semampai neliah labuh jarang..,
    baka angin semampai bepusin enda temu lekang..,
    jaku sigi enda nemu badu..,
    semampai bekenang...